Gardsbutikken vår er ei naturleg forlenging av garden. Her finn du mat som er dyrka, foredla og vald med same omsorg som ligg til grunn for drifta elles – oftest økologisk, handlaga og rotfesta i landskapet rundt oss. Utvalet er ikkje stort, men gjennomtenkt, og speglar sesong, råvarer og det vi til ei kvar tid har tilgang på.

Ein stor del av sortimentet kjem frå vår eigen produksjon. Vi lagar handverkspølser i våre lokale foredlingslokaler. I tillegg finn du gardsburgaren vår og ferdig krydra kjøtdeigblandingar, laga for enkle, gode måltid med tydeleg opphav. Kjøtet kjem frå dyr som har levd gode liv tett på landskap, noko som set spor både i kvalitet og smak.

Frå frukthagen kjem eplemost, sider og eplesidereddik, foredla frå reine råvara og med naturlege prosessar. Vi arbeider med gjæring og modning på ein måte som let variasjon og årgang få kome til uttrykk. I butikken finn du også fermenterte produkt som surkål og andre syrte grønsaker, saman med sylta og konserverte varer laga i sesong.

Når det er tilgang, har vi også honning og ferske bær og grønsaker frå hagen – hausta jamleg og seld medan dei er på sitt beste.

I tillegg til eigne produkt fører vi eit lite utval varer frå andre produsentar vi har tillit til. Det kan vere sjokolade, olivenolje, pasta, salt og krydder – råvarer og basisvarer som passar inn i kjøkkenet vårt, og som held same krav til kvalitet og handverk som vi set for våre eigne produkt. Alt er valt med tanke på smak, opphav og ærleg produksjon.

Velkomen!